Óhætt er að segja að byrjunarlið Liverpool gegn Brentford á Anfield í dag hafi fengið marga til að lyfta brúnum.
Allir þeir lykilleikmenn, sem Liverpool keypti til þess að styrkja liðið síðasta sumar, voru á varamannabekkum í upphafi leiks.
Nærri lætur að heildarvirði þessara leikmanna sé um 310 milljónir punda en við erum að tala um Alexander Isak, Florian Wirtz, Milos Kerkez og Jeremie Frimpong.
Hugo Ekitike er auðvitað ekki leikfær eftir að hafa slitið hásin fyrir nokkrum vikum en hann var keyptur á 80 milljónir punda.
Þá er ónefndur Giorgi Mamardashvili sem keyptur var 2024 fyrir 30 milljónir punda en kom ekki til Liverpool fyrr en 2025.
Sem sagt: 420 milljónir punda fyrir sex leikmenn. Einn meiddur og hinir á varamannabekknum!
Uppfært: Giovanni Leoni var keyptur fyrir 30 milljónir punda en sleit krossbönd í hné í fyrsta leik.
Sem sagt: 450 milljónir fyrir sjö leikmenn. Tveir meiddir og hinir á varamannabekknum!
No comments yet